Опрос

Вас устраивает процедура получения услуги по выдаче разрешений на эмиссии в окру-ющую среду, заключений экологической экспертизы

Іздеу

Мемлекеттік көрсетілетін қызметтер мәселелері бойынша Шығыс Қазақстан облысы табиғи ресурстар және табиғат пайдалануды реттеу басқармасы

қызметінің есебі

«Шығыс Қазақстан облысы табиғи ресурстар және табиғат пайдалануды реттеу басқармасы» мемлекеттік мекемесі (бұдан әрі – басқарма) табиғи ресурстарды қорғау және табиғат пайдалануды реттеу саласында басшылықты жүзеге асыратын мемлекеттік орган болып табылады.  

Орналасқан жері: 070004, Өскемен қ., К. Либкнехт к-сі, 19

Басқарма мемлекеттік көрсетілетін қызметтер мәселелері бойынша өз жұмысында «Мемлекеттік көрсетілетін қызметтер туралы» ҚР Заңын және мемлекеттік көрсетілетін қызметтер саласындағы ҚР басқа нормативтік-құқықтық актілерін тікелей басшылыққа алады.

         Мемлекеттік қызметтер мынадай негізгі қағидаттар негізінде көрсетіледі: көрсетілетін қызметті алушылардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне байланысты немесе кез-келген өзге жағдаяттар бойынша қандай да бір кемсітушіліксіз теңдей қол жеткізуі; мемлекеттік қызметтер көрсету кезінде төрешілдік пен сөзбұйдалық көріністеріне жол бермеу; мемлекеттік қызметтер көрсету саласындағы есеп берушілік және ашықтық; мемлекеттік көрсетілетін қызметтердің сапасы мен қолжетімділігі; мемлекеттік қызметтер көрсету процесін үнемі жетілдіру; мемлекеттік қызметтер көрсету кезіндегі үнемділік және тиімділік.

Басқарма Қазақстан Республикасы Үкіметінің 2013 жылғы 18 қыркүйектегі №983 Қаулысымен бекітілген Мемлекеттік көрсетілетін қызметтер тізіліміне сәйкес мемлекеттік қызметтер көрсетеді.

Бекітілген тізілімге сәйкес басқарма келесі мемлекеттік қызметтерді көрсетеді:

1. II, III және IV санаттардағы объектілер үшін мемлекеттік экологиялық сараптама қорытындысын беру;

2. II, III және IV санаттардағы объектілер үшін қоршаған ортаға эмиссияға рұқсат беру;

3. Ағаш кесу және орман билетін беру;

4. Мемлекеттік орман қоры учаскелерінде ұзақ мерзімді орман пайдалану шартын мемлекеттік тіркеу;

5. Облыстың жергілікті атқарушы органдарының жануарлар дүниесін пайдаланушыларға аңшылық алқаптар мен балық шаруашылығы су айдындарын және (немесе) учаскелерін бекітіп беру мен аңшылық және балық шаруашылықтарының қажеттіліктері үшін сервитуттарды белгілеу жөнінде шешімдер қабылдауы;

6. Жерүсті су объектілері жоқ, бірақ ауызсу сапасындағы жерасты суларының жеткілікті қоры бар аумақтарда ауызсу және шаруашылық-тұрмыстық сумен жабдықтауға байланысы жоқ мақсаттар үшін ауызсу сапасындағы жерасты суларын пайдалануға рұқсат беру;

7. Су объектілерін оқшауланған немесе бірлесіп пайдалануға конкурстық негізде беру;

8. Жануарлар дүниесін пайдалануға рұқсат беру.

Жоғарыда көрсетілген мемлекеттік қызметтердің:

- 2 түрі «Азаматтарға арналған үкімет» мемлекеттік корпорациясы арқылы;

- 4 түрі қағаз және (немесе) электрондық нысанда «Электрондық үкімет» порталы арқылы;

- 2 түрі – тек қағаз нысанында көрсетіледі.

Басқарма Мемлекеттік көрсетілетін қызметтер сапасын бақылау ережесіне сәйкес ұсынылатын мемлекеттік көрсетілетін қызметтер сапасын ішкі бақылау жағдайына ай сайын мониторинг жүргізеді.

2017 жылы көрсетілген 6132 қызметпен салыстырғанда 2018 жылы            7166 мемлекеттік қызмет көрсетілді.

2018 жылы алынған деректерді талдау жануарлар дүниесі саласында ең көп қызмет көрсетілгенін айғақтады.

Халыққа мемлекеттік қызмет көрсету үрдістерінің сапасын арттыру және сыбайлас жемқорлық тәуекелдерін төмендету мақсатында қызметтердің бір бөлігі электрондық көрсетілетін қызметтер үшін техникалық мүмкіндік ұсынатын –        «Е-лицензиялау» мемлекеттік дерек қоры» ақпараттық жүйе құралдары арқылы көрсетіледі.

Мемлекеттік қызметтер Стандарттар мен Регламенттерге (4 стандарт пен        4 регламент) сәйкес қатаң түрде көрсетіледі.

Регламенттердің жобалары «Ашық НҚА» порталына көпшілік талқылау үшін міндетті түрде орналастырылады.

2018 жылы уәкілетті органның қатысуымен басқарма қызметкерлері үшін мемлекеттік көрсетілетін қызметтер тақырыбына семинар өткізілді.

Халықты ақпараттандыру үшін басқармада мемлекеттік қызмет стандарттары мен регламенттері, анықтамалық телефондардың нөмірлері, өтініштер бланкінің үлгілері орналастырылған стендтер бар.

Мүмкіндігі шектеулі тұлғалар үшін әкімшілік ғимараттың кіреберісінде көмекшіге соғатын қоңырау орнатылған. Тұтқалы пандус бар.

Мемлекеттік көрсетілетін қызметтер тәртібі туралы, соның ішінде электрондық форматтағы ақпарат басқарманың ресми интернет ресурсында            (e-priroda.gov.kz), «Электрондық үкімет» (egov.kz) веб-порталында орналастырылады.

2018 жылдың қыркүйек айында 1 мемлекеттік қызметші мемлекеттік көрсетілетін қызметтер мәселелері бойынша біліктілігін арттыру курсынан өтті.

Мемлекеттік органдар жұмысының тиімділігін бағалау өлшемдерінің бірі қызметтерді уақтылы және сапалы көрсету, азаматтардың қанағаттану деңгейін арттыру болып табылады. Талданып отырған кезең ішінде көрсетілген мемлекеттік қызметтерге шағым түскен жоқ.

 

Мемлекеттік көрсетілетін қызметтер мәселелері бойынша Шығыс Қазақстан облысы табиғи ресурстар және табиғат пайдалануды реттеу басқармасы

қызметінің есебі

 

14 05 2018 16 41 09

2017 жылдың желтоқсан айына жинақтау

 

Report Gos uslugi za 3 kv 2017 kaz

 

Report Gos uslugi 2016 kaz

 

 

 


Жұмыс тәртібі

дүйсенбі - жұма: 9:00 – 13:00,
14:30 - 18:30

 

Сұрақ - жауап

Сіз бізге сұрақтарыңызбен келе аласыз

Толық   Онан әрі..